Isang masayang tula
Pinipilit na malikha
Tulang walang drama
Kagalakan ang siyang tema
Ngunit hindi alam kung saan sisimulan
Ang isang tulang puno ng kasiyahan
Kung iba naman ang iyong nararamdaman
At walang damdaming pinaghuhugutan
Tunay ngang mahirap magpanggap na ika'y masaya
Gayung sa loob-loob mo ay nahihirapan ka
Umaasa pa rin doon sa araw na.
Isang masayang tula ay sa wakas masambit na.
Walang komento:
Mag-post ng isang Komento