Nagkamali ako ng dyip na nasakyan.
Ang byahe ko tuloy ay napatagal.
Ngunit nawala lahat ng inis
Nang ikaw na'y masulyapan.
Sadya akong pumuwesto sa dulo
Para mas masulyapan ang mukha mo
Ngunit laking gulat ko
Nang umusod ka sa harapan ko
Mas lalo kitang nakita
Sinaulo ang bawat bahagi ng maganda mong mukha
Ang iyong mapungay na mga mata
Ang mapula mong labi
na kaakit-akit habang sumasabay
sa saliw ng musikang iyong pinakikinggan.
Wala na akong pakialam
Kahit alam kong ako'y iyong nakikita
Kailangan ko itong isamantala
Dahil alam kong ito ang una
at huli nating pagkikita.
Mas lalo kitang nakita
Sinaulo ang bawat bahagi ng maganda mong mukha
Ang iyong mapungay na mga mata
Ang mapula mong labi
na kaakit-akit habang sumasabay
sa saliw ng musikang iyong pinakikinggan.
Wala na akong pakialam
Kahit alam kong ako'y iyong nakikita
Kailangan ko itong isamantala
Dahil alam kong ito ang una
at huli nating pagkikita.
Walang komento:
Mag-post ng isang Komento