Hindi mawari ang dahilan sa tila ba hindi pagpansin.
Ilang beses nang sinubukang suyuin,
Ngunit tila ba walang balak na kausapin,
Na mananatiling hindi alam ang gagawin.
Nagtatanong sa kung ano ba ang nagawa
Ngunit walang narinig na miski isang salita
Mahirap mang tanggapin na may pagkakamali ka,
Ngunit mas mahirap na hindi mo alam kung bakit nilalayuan ka.
Nasasaktan ako at nalulungkot sa mga oras na ito
Dahil bukod sa hindi mo pagsagot sa mga tawag ko,
Sa hindi pagpansin sa lahat ng ginagawa ko para sa iyo,
Alam kong wala akong karapatan na maramdaman ito.
Mahirap na hindi mo alam ang katayuan mo sa isang tao.
Na hindi mo alam kung mahal ka ba nyang totoo.
Lalo na kung hindi mo maramdaman ito.
Lalo na kung hindi nya pansin na sinasaktan ka nya sa ginagawang hindi pagpansin sayo.
Walang komento:
Mag-post ng isang Komento